حجاج کرام کو حج کا مقدس سفر شروع کرنے سے پہلے ہی حج کی تیاری اور منصوبہ بندی کرلینی چاہیے تاکہ یہ عظیم عبادت بہترین طریقے سے انجام دی جا سکے۔
حج ویزا اور بکنگ کی تکمیل کے بعد حجاج کرام اپنے روزمرہ معمولات کی منصوبہ بندی کرنے کے لئے درج ذیل اہم سوالات کی روشنی میں کرسکتے ہیں:
- ساتھی حاجیوں کا انتخاب: آپ کے ساتھ حج پر کون جائے گا اور روانگی کب ہوگی؟ اس حوالے سے حجاج کرام کو پہلے سے تیاری کرلینی چاہیے۔
- ضروری دستاویزات کی تیاری: کون سے کاغذات آپ کو اپنے ساتھ لے جانے چاہئیں، جیسا کہ شناختی کارڈ، پاسپورٹ، ٹکٹ، اجازت نامہ اور ویزا۔
- سفر کی تیاری: اگر آپ گاڑی سے سفر کرنے کا ارادہ رکھتے ہیں تو کیا آپ کی گاڑی سفر کے لیے موزوں ہے، اور کیا اس کے کاغذات میں بین الاقوامی نقل وحرکت کا تذکرہ موجود ہے؟
- صحت کا خیال: حج کی تیاری کے لیے صحت کو برقرار رکھنے کے لیے آپ نے کیا منصوبہ بندی کی، جیسا کہ چہل قدمی یا ورزش کرنا۔
- ادویات کی حفاظت: کون سی ادویات آپ اپنے ساتھ لے جائیں گے اور ان ادویات کو محفوظ کیسے رکھیں گے؟
- تعلیم اور تربیت: کیا آپ نے حج کے تمام احکام سیکھ لیے ہیں؟
- خدمات سے استفادہ کرنا: حرم اور مقدس مقامات میں فراہم کی گئی خدمات سے کیسے فائدہ اٹھا سکتے ہیں؟
- مفید ایپلیکیشنز کا استعمال: حج سے متعلق کون سی مفید ایپلیکیشنز ہیں جن سے آپ مستفید ہوسکتے ہیں، جیسا کہ قرآن، اذکار، نماز کے اوقات، اور نقشے وغیرہ۔
ان سوالوں کو مد نظر رکھتے ہوئے حجاج کرام اپنے سفر کو آسان اور پرسکون بناسکتے ہیں اور حج کی عبادت بہتر طریقے سے ادا کرسکتے ہیں۔
