سعودی وزارت حج و عمرہ نے ایک معلوماتی منشور کے ذریعے حجاج کرام کے لیے اہم مشورے جاری کیے ہیں تاکہ وہ حج کے دوران صحت مند رہتے ہوئے تھکان سے بچ سکیں۔
وزارتِ حج وعمرہ کے آگاہی سینٹر نے اپنے منشور میں حجاج کی آسانی کے لیے مختلف معلومات فراہم کی ہیں۔ ان میں سفرِ حج کے مراحل سمجھنے، مقدس مقامات کے درمیان فاصلوں کے بارے میں معلومات، روزانہ ورزش کرنے، اور سفر سے پہلے مشقت والے کاموں سے پرہیز کرنے کے مشورے شامل ہیں۔
مزید برآں، مناسک کی ادائیگی کے دوران، وزارت نے حجاج کو طبی یا کھیلوں کے جوتے پہننے، مرغن غذاؤں سے پرہیز کرنے، عبادت کے بعد کچھ دیر آرام کرنے، اور پانی کی مناسب مقدار پینے کی تجویز دی ہے۔
یہ مفید مشورے ایک منشور کی صورت میں جاری کیے گئے ہیں تاکہ حجاج کرام کی صحت اور سلامتی کو یقینی بنایا جا سکے اور وہ مناسکِ حج آسانی سے ادا کرسکیں۔
