سعودی عرب میں وزارت حج و عمرہ کے آگاہی سینٹر نے عازمین کرام کو ادویات کے حوالے سے ہدایات جاری کی ہیں۔ ان ہدایات میں کہا گیا ہے کہ وہ اپنی استعمال کی ادویات دوسروں کی ادویات سے الگ رکھیں اور اپنی صحت کے بارے میں ڈاکٹر کو آگاہ کریں۔
جمعہ کو جاری کی گئی ان ہدایات میں عازمین حج کو تاکید کی گئی ہے کہ وہ اپنی ادویات کو مخصوص جگہ پر رکھیں اور انہیں دوسروں کی ادویات سے الگ رکھیں۔
مزید برآں، عازمین کرام کو اپنی صحت کی حالت کے بارے میں ڈاکٹر یا سفر کے انچارج کو ضروری طور پر آگاہ کرنے کا کہا گیا ہے۔ ساتھ ہی، عازمین کو مشورہ دیا گیا ہے کہ وہ اپنی طبی رپورٹ کی ایک کاپی بھی ساتھ رکھیں تاکہ کسی بھی ایمرجنسی کی صورت میں درست فیصلہ کرنے میں آسانی ہو۔
