سعودی عرب حکومت کی جانب سے عازمین کرام میں ترجمہ والے قرآن کریم کے ہدیےکی تقسیم کا سلسلہ شروع

حرمین شریفین کے مذہبی امور کے سربراہ کے اعلانات

حرمین شریفین کے مذہبی امور کے سربراہ، ڈاکٹر شیخ عبد الرحمٰن السدیس نے ذی الحجہ کے آئندہ 10 دنوں کے لیے متعدد سرگرمیوں اور اقدامات کو فعال کر دیا ہے، جن میں خاص طور پر قرآن کریم کی تقسیم پر زور دیا جا رہا ہے۔

(ہدیۃ المصاحف) پروگرام

مذہبی امور پریزیڈینسی برائے حرمین شریفین نے (ہدیۃ المصاحف) پروگرام کو مزید تیز کردیا ہے۔ اس پروگرام کے تحت عازمین حج کے مذہبی تجربات کو بہتر بنانے اور قرآن کریم کی ہدایات سے مستفید کرنے کے لیے قرآن کریم اور مختلف عالمی زبانوں میں ترجمہ شدہ نسخے بطور ہدیہ دیے جاتے ہیں۔

ذی الحجہ کی تیاریاں

شیخ ڈاکٹر عبدالرحمٰن السدیس نے بتایا کہ پریزیڈینسی نے ذی الحجہ کے 10 دنوں کے دوران حرمین شریفین میں مذہبی سرگرمیوں کی تعداد بڑھانے کی مکمل تیاری کر کے اسے عملی جامہ پہنایا ہے تاکہ دنیا بھر سے آئے ہوئے عازمین کے تجربات کو بہتر بنایا جا سکے اور وہ حج کی سعادت حاصل کر سکیں۔

حج سیزن 2024 کے اہداف

انہوں نے مزید بتایا کہ حج سیزن 2024 میں پریزیڈینسی کا ہدف ہے کہ عازمین حج میں ایک ملین ترجمہ شدہ نسخے بطور ہدیہ تقسیم کیے جائیں تاکہ حجاج کرام قرآن کریم کی آیات سے مستفید ہوں اور اس کی ہدایات پر عمل کر سکیں، اور اس راستے پر چل سکیں جو ان کے دین و دنیا اور حج کو محفوظ بنائے۔